ചില ആനുകാലിക പ്രതികരണങ്ങൾ

എന്റെ സ്വന്തം മുഖപുസ്തകകുറിപ്പുകളിൽ നിന്ന്:

ശബരിമലവിധിയും പിറവം പള്ളി വിധിയും:

17 ഒക്ടോബർ 2018 

രണ്ട് പുസ്തകവും ഒരേപോലെ വായിക്കപ്പെടേണ്ടതാണെങ്കിലും, പിറവം പള്ളി വിധി പുസ്തകം തൊട്ടുപോലും നോക്കാതെ, പിന്നീട് വന്ന ശബരിമല വിധി പുസ്തകം ഉടനെത്തന്നെ തുറന്നു നോക്കിയത് ഒട്ടും ശരിയായില്ല.

ദേശീയ നേതൃത്ത്വങ്ങളുടെ പുരോഗമപരമായ നിലപാടുകളുടെ കൂടെ നിൽക്കാതെ, കലക്ക് വെള്ളത്തിൽ മീൻ പിടിക്കാൻ ശ്രമിക്കുന്നവരുടെ നിലപാടും ഒട്ടും ശരിയല്ല.

ശബരിമല വിധിപുസ്തകം, നാളെ നമ്മളുടെ പുസ്തകം തിരുത്താൻ മാതൃകയാക്കും എന്ന് പേടിച്ച്, പലതലങ്ങളിൽ കാല് വച്ച് നിൽക്കുന്നതും ഒട്ടും ശരിയല്ല.

ബിഷപ്പിനേയും കുരിശിനെയും തൊടാൻ മടിക്കുന്ന ശീലം നോക്കിയാൽ, സ്വാമിയെയും അമ്പലത്തിനെയും മാത്രം കണ്ണ് വെക്കുന്ന ശീലവും ശരിയല്ല.

അപ്പോപ്പിന്നെ, എന്താണ് ശരി? തോന്നിയവന്, തോന്നിയ സമയത്ത്, തോന്നുന്നതെല്ലാം ശരി !!

മീശ നോവൽ, ഫ്രാങ്കോ ബിഷപ്പ്, കിതാബ് നാടകം:

28 നവംബർ 2018 

‘മീശ’ നോക്കി ‘കിത്താബ്’ കണ്ട ‘ഫ്രാങ്കോ’ മാർ സ്ത്രോത്രം ചൊല്ലലുകളും ശരണമന്ത്ര ഘോഷയാത്രകളും തക്ബീർ വിളികളുമൊക്കെയായി ‘ഇൻക്വിലാബ്’ നടത്തുന്ന അപൂർവ്വം കാഴ്ച കണ്ട്, അറിയാതെ എറിഞ്ഞുപോയ മഴു തിരിച്ച് ഗോകർണ്ണത്തേക്ക് എറിയാൻ, കളഞ്ഞു പോയ മഴു, പരശുരാമൻ കന്യാകുമാരിയിൽ തപ്പിക്കൊണ്ടിരിക്കയാണ്... കൂടുന്നോ??