സമയം ഏകദേശം രാത്രി പത്തരയായിക്കാണും… പതിവുള്ള അഞ്ചര മൈൽ നടത്തവും ഓട്ടവും കഴിഞ്ഞ് വീട്ടിനടുത്തുള്ള ‘ടാൾ സീഡാർസ്’ റോഡിന്റെ വശത്ത് കൂടിയുള്ള ട്രെയിലിലൂടെ പതുക്കെ നടക്കുകയായിരുന്നു... ഇനി വീടെത്താൻ അഞ്ചാറ് മിനുട്ടുകൾ മാത്രമേ ബാക്കിയുള്ളൂ... അതിനിടയിൽ ട്രെയിലിനരികിലുള്ള ‘പുള്ളപ്പ്’ ബാറുകളിന്മേൽ ഒരഭ്യാസവും കൂടി ബാക്കിയുണ്ട്... ഓട്ടം കഴിഞ്ഞതിനാൽ, രണ്ട് കാൽമുട്ടുകളിന്മേലും സ്ട്രാപ്പ് ചെയ്ത് ഇട്ടിരുന്ന knee caps അഴിച്ചെടുത്തു… ഇനിയും ഓടാൻ പ്ലാനില്ലാത്തത് കൊണ്ടും സംഭവം ഇത്തിരി tight ആണെന്നതിനാലും pull up കസറത്തുകൾക്കിടയിൽ അതൊരു അധികപ്പറ്റാകുമെന്നതിനാലുമാണ് knee caps അഴിച്ചു കളഞ്ഞത്… ഒന്നരയടി നീളമുള്ള രണ്ട് സ്ട്രാപ്പുകളും അവയുടെ knee cap hole നിടയിലൂടെ വിരലിട്ട് പിടിച്ച്, കിതച്ചുകൊണ്ട് ആട്ടിയാട്ടി നടക്കുകയായിരുന്നു… ഇരുട്ടായതിനാൽ പാട്ട് പാടാനുള്ള mood ഉണ്ടായിരുന്നില്ല... മാത്രവുമല്ല കിതപ്പിനിടയിൽ പാട്ട് പാടിയാൽ താളവും തെറ്റുമല്ലോ…
പതുക്കെ ഏതോ കാടൻ ചിന്തകളിലേക്ക് വഴുതാൻ തുടങ്ങിയപ്പോഴാണ് പിന്നിൽ നിന്ന് ഫ്ലാഷ് ലൈറ്റുകൾ വരുന്നതായി ശ്രദ്ധിച്ചത്... ഉടനെ നടത്തം നിർത്തി തിരിഞ്ഞ് നോക്കി... അതെ, പോലീസ് വണ്ടിയാണ്... ഞാൻ തന്നെയാണ് target എന്നും മനസ്സിലായി... ഞാൻ വടി പോലെ നിന്ന് പോലീസ് വണ്ടിയെ തുറിച്ച് നോക്കി… അന്തം വിട്ട് നിൽക്കുകയാണ് ഞാൻ... രാത്രിയിൽ ഓടുന്നത് കുറ്റമായത് കൊണ്ടാവുമോ? ഓടുമ്പോൾ ഫ്‌ളാഷ് ലൈറ്റ് എടുക്കാത്തതായിരിക്കുമോ പ്രശ്നം? കാനഡാ-ഇന്ത്യാ പ്രശ്നങ്ങളുടെ പശ്ചാത്തലത്തിൽ ഞാനൊരു indian looking ആയത് കൊണ്ടാവുമോ? പലതരം സംശയങ്ങൾ മനസ്സിലൂടെ ഓടിക്കളിച്ചു... പതുക്കെ അതീന്ന് സർവ്വാഭരണവിഭൂഷിതനായി ഒരു പോലീസുകാരൻ ഇറങ്ങി വന്നു... എന്റെ ഇടത് ഭാഗത്തൂടെ അദ്ദേഹം എന്നെ സമീപിക്കുകയാണ്… അരയിൽ തൂങ്ങുന്ന തോക്ക് എനിക്ക് വ്യക്തമായിക്കാണാം.…
“Hey man… which animal you did hunt and kill today?”
“What… me… killing… animal…?”
എനിക്കൊന്നും മനസ്സിലായില്ല...
“Yeah Yeah… what’s in your right hand…?”
എന്റെ ഇടതുഭാഗത്തുള്ള അദ്ദേഹം എന്റെ വലതു കൈ വ്യക്തമായി കാണുന്നുണ്ടായിരുന്നില്ല. അദ്ദേഹം പറഞ്ഞതനുസരിച്ച് ഞാനെന്റെ വലത് കയ്യിലേക്ക് നോക്കി... രണ്ട് മൂന്ന് സെക്കന്റുകളുടെ ഇടവേളയിൽ ഞാൻ സ്വയമറിയാതെ ഉച്ചത്തിൽ ചിരിച്ച് പോയി... എന്റെ ചിരികണ്ട പോലീസുകാരൻ വണ്ടറടിച്ച് നിന്ന് എന്നെയൊന്ന് കൂർപ്പിച്ച് നോക്കി...
“Sir… I got this animal dead when I hunt online and bought it…”
ഞാനെന്റെ വലത് കൈ ഉയർത്തി, തൂങ്ങിയാടുന്ന knee strap പോലീസുവണ്ടിയുടെ action light അപാരതയിൽ അദ്ദേഹത്തെ കാണിച്ചു…
“Whats this… oh… oh… oh… maaaan… was it a knee strap… ha… ha… haa… I thought it was a racoon and it’s tail is hanging in your hand… ”
പോലീസുകാരൻ ചിരിക്കാൻ പാടില്ലെന്ന്‌ ആരാ പറഞ്ഞത്? അദ്ദേഹം ആർത്താർത്ത് ചിരിക്കുകയായിരുന്നു...
“Maaan… it seems I hunted myself down… haaa… haa… this is crazy… I‘m crazy… haa ha…”
“Yeah… I am just done with my daily running… haa… ha…”
ഞാനും അദ്ദേഹത്തിൻറെ കൂടെ ചിരിച്ചു... എന്നാലും അധികം സംസാരിക്കാൻ പോയില്ല...
“Sorry maan… really sorry… you can go… go… hunt a deer today… haaa… haa…”
പൊലീസുകാരൻ തിരിച്ച് വണ്ടിയിലേക്ക് നടന്നു... എന്റെ കൈയ്യിലെ ചത്ത റാക്കൂണിനേയും ആട്ടിക്കൊണ്ട് ഞാനും എന്റെ വഴിക്ക് തിരിച്ചു...
‘ഓടിക്കിതച്ച് വരുമ്പോൾ വേട്ടയാടരുത് സാറേ…’ ഞാൻ മനസ്സിൽ പറഞ്ഞ് ചിരിച്ചു.
ഗുണപാഠം: രാത്രിയിൽ knee strap അഴിച്ച് തൂക്കിയാട്ടി നടക്കരുത്... പോലീസ് പിടിക്കും 
***
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ