2019 ലെ വിഷു ആഘോഷങ്ങളുമായി സംബന്ധിച്ച്, NSGW വിനോദസമിതി കാർമ്മികൻ ശ്രീ ജിനേഷിന്റെ ആവശ്യപ്രകാരം, ആഘോഷങ്ങളുടെ ഇടയിൽ അവിടവിടായി, ഇന്നത്തെ പുതു തലമുറയിലെ ശ്രോതാക്കൾക്ക് വിഷുവിനെക്കുറിച്ച് കുറച്ച് ആമുഖം നൽകാൻ വേണ്ടി എഴുതപ്പെട്ട ചില വിവരങ്ങളാണ് ചുവടെയുള്ളത്. ശ്രീ കുട്ടി മേനോൻ നൽകിയ ശബ്ദലേഖനവും ഇതിന്റെകൂടെ ചേർക്കുന്നു.
വിഷുവിനെ സംബന്ധിച്ച് 2014 ൽ ചെയ്ത ഒരു ചാക്യാർകൂത്ത് പരിപാടി: വിഷു - ചില അറിവുകൾ
കണിക്കൊന്നയുടെ കാന്തിയും കൈനീട്ടത്തിന്റെ വിശുദ്ധിയും കണികണ്ടുണരുന്നതിന്റെ ഐശ്വര്യവും വിളിച്ചോതിക്കൊണ്ട് ഒരു വിഷുക്കാലം കൂടി വരവായി. പ്രിയമുള്ളവരേ, നിങ്ങൾക്കെല്ലാവർക്കും നായർ സൊസൈറ്റി ഓഫ് ഗ്രേറ്റർ വാഷിംഗ്ടൺ ന്റെ നേതൃത്വത്തിൽ ആഘോഷിക്കുന്ന, കൊല്ലവർഷം ആയിരത്തി ഒരുന്നൂറ്റി തൊണ്ണൂറ്റിനാലിലെ മേടമാസപ്പുലരിയിലെ ഈ വിഷു ആഘോഷത്തിലേക്ക് സുസ്വാഗതം !
കാർഷികവൃത്തിയിലൂന്നിയുള്ള നമ്മുടെ നന്മയുള്ള പാരമ്പര്യവും സംസ്കാരവും ആഘോഷങ്ങളും അന്യമാകുന്ന ഈ ആധുനിക കാലത്ത് പ്രവാസികളായ നമുക്ക് ഈ നന്മയെ കൂടുതൽ അറിയുവാനും മുറുകെപ്പിടിക്കാനും ശ്രമിക്കാം.
നിങ്ങളുടെ അറിവിലേക്കായി, വിഷുവിനെക്കുറിച്ച് ഒരു ആമുഖം പറഞ്ഞുകൊള്ളട്ടെ? എന്താണ് വിഷു? എ ഡി എണ്ണൂറ്റി ഇരുപത്തഞ്ച് വരെ പുതുവത്സര ആഘോഷമായിരുന്നു വിഷു. എന്നാൽ എ ഡി എണ്ണൂറ്റി ഇരുപത്തഞ്ചിൽ, പല കാരണങ്ങൾ കൊണ്ടും, ചിങ്ങമാസം തുടക്കമായിക്കുറിച്ച് കൊണ്ട്, കേരളത്തിലെ കൊല്ലം എന്ന സ്ഥലത്ത് കൂടിയ ഒരു പണ്ഡിത സദസ്സ്, മലയാളത്തിലെ പഞ്ചാംഗം അഥവാ കലണ്ടർ തുടങ്ങിയത് മുതൽ, വിഷു പതുക്കെ പുതുവത്സരാഘോഷമല്ലാതായി. വിഷു എന്നാൽ 'തുല്യം' എന്നാണ് സംസ്കൃതത്തിൽ അർത്ഥം. വിഷു ആഘോഷിക്കുന്ന ദിവസം രാത്രിയും പകലും ഏകദേശം തുല്യമായിരിക്കും. മീനരാശിയിൽ നിന്ന് മേടരാശിയിലേക്ക് സാങ്കല്പികമായ വിഷുവരേഖ കടക്കുന്ന സൂര്യന്റെ പ്രയാണസമയമാണ് വിഷു. ഏകദേശം അതേ സമയത്ത് തന്നെ അശ്വതി നക്ഷത്രത്തിന്റെ ആരംഭവും കുറിക്കുന്നു. ശകവർഷത്തിലെ ചൈത്രമാസത്തിലാണ് വിഷു കൊണ്ടാടപ്പെടുന്നത്. അതുകൊണ്ട് തന്നെ വിഷുവിനെ ചൈത്രവിഷു എന്നും പറയും. ഭാരതീയ സംസ്കാര പ്രകാരം സൂര്യൻ മീനരാശിയിൽ നിന്ന് മേടരാശിയിലേക്ക് കടക്കുന്ന സന്ദർഭമാണ് പുതുവർഷമായി കൊണ്ടാടപ്പെടുന്നത്. അതുകൊണ്ടാണ്, അയൽപക്കമായ തമിഴ്നാട്ടിൽ 'പുത്താണ്ട്' ആയും കർണാടകത്തിലും ആന്ധ്രയിലും 'ഉഗാദി' ആയും മഹാരാഷ്ട്രയിൽ 'ഗുഡി പദ് വാ' ആയും ആസ്സാമിൽ ബിഹു ആയും പഞ്ചാബിൽ ബൈസാഖി ആയും മറ്റും ഭാരതത്തിലങ്ങോളമിങ്ങോളം വിഷു സമയം പുതുവത്സരാഘോഷമായി ഇന്നും ആഘോഷിക്കപ്പെടുന്നത്. സമയം കളയാതെ നമുക്ക് ഇന്നത്തെ ആഘോഷത്തിന്റെ കാര്യപരിപാടികളിലേക്ക് കടക്കാം.
പ്രിയമുള്ളവരേ, വിഷുവിനെക്കുറിച്ച് നിങ്ങൾ കേട്ടിരിക്കാനിടയില്ലാത്ത കുറച്ച് കാര്യങ്ങൾ കൂടി പറഞ്ഞുകൊള്ളട്ടെ. ശ്രദ്ധിച്ച് കേൾക്കുമല്ലോ.... വിഷു എങ്ങനെയാണ് കാർഷികാഘോഷമായി കൊണ്ടാടപ്പെടുന്നത്? നമ്മുടെ ഇന്നത്തെ കാലാവസ്ഥാപ്രവചനസംവിധാനങ്ങൾ വരുന്നതിന് മുന്നേ ഞാറ്റുവേലകളെ അടിസ്ഥാനമാക്കിയുള്ള കൃഷി രീതികളായിരുന്നു ഭാരതീയർ പിന്തുടർന്നിരുന്നത്. എന്താണ് ഞാറ്റുവേല? എന്താണ് വിഷുവും ഞാറ്റുവേലയും തമ്മിലുള്ള ബന്ധം? 'ഞായറിന്റെ വേള' ആണ് മലയാളത്തിൽ ഞാറ്റുവേല ആയത്. ഞായർ എന്നത് ഞായറാഴ്ച അല്ലെന്ന് പ്രത്യേകം ശ്രദ്ധിക്കുക. ഞായർ എന്നത് സൂര്യന്റെ പര്യായമാണ്. സൂര്യന്റെ ഒരു വർഷത്തെ വിവിധ വേളകളെ ഏകദേശം പതിമൂന്നര ദിവസങ്ങളെടുക്കുന്ന 27 ഞാറ്റുവേലകളായി തരം തിരിച്ചിരിക്കുന്നു. ഈ ഞാറ്റുവേലകളിലെ ആദ്യത്തെ ഞാറ്റുവേലയായ അശ്വതി ഞാറ്റുവേല തുടങ്ങുന്നത് വിഷുവിന്റെ ദിവസമാണ്. അതായത് മേടം ഒന്നിന്. കേരളത്തിൽ പൊതുവെ മഴകൾ കുറഞ്ഞ്, ഭൂമി വരണ്ട് കിടക്കുന്ന സമയമാണ് കുംഭം, മീനം മേടം,ഇടവം രാശികൾ. ഇടവരാശിയുടെ അന്ത്യത്തിൽ ഇടവപ്പാതിയെന്ന മഴ ലഭിക്കുന്ന സമയമാണ്. എന്നുവച്ചാൽ രോഹിണി ഞാറ്റുവേല മുതൽ മഴ ലഭിക്കുമെന്നാണ് പണ്ട് കാലത്തെ കണക്ക്. ഈ സമയമാകുമ്പോഴേക്കും ഭൂമിയെ കൃഷിക്ക് പാകമാക്കി വെക്കാനുള്ള പ്രവർത്തികൾ ആരംഭിക്കുന്ന സമയമായാണ് അശ്വതി ഞാറ്റുവേലയെ കേരളീയർ കണ്ടിരുന്നത്. പ്രാദേശിക കാലാവസ്ഥക്കനുസരിച്ചും ഭൂമി ശാസ്ത്രത്തിനനുസരിച്ചും ഞാറ്റുവേലകൾക്കനുബന്ധമായ പ്രവർത്തികൾ വ്യത്യാസപ്പെട്ട് കിടക്കും. അതുകൊണ്ട്, മേടം ഒന്നിന് ഒരു വർഷത്തെ കാർഷികവൃത്തികൾ ആരംഭിക്കുന്ന അശ്വതി ഞാറ്റുവേലയുടെ തുടക്കമായതിനാലാണ് വിഷു ഒരു കാർഷികാഘോഷമായി കേരളീയർക്ക് മാറിയത്. ഇനി നമുക്ക് വീണ്ടും ആഘോഷപരിപാടികളിലേക്ക് തിരിച്ച് വരാം.
പ്രിയമുള്ളവരേ, ഈ ആഘോഷങ്ങളൊക്കെ കഴിഞ്ഞ്, ഇന്ന് നിങ്ങൾ വീട്ടിലേക്ക് തിരിച്ച് പോകുന്നതിന് മുൻപ് വിഷുവിനെക്കുറിച്ച് ഇനിയും കൂടുതൽ മനസ്സിലാക്കണമെന്ന് ആഗ്രഹിക്കുന്നില്ലേ? കുറച്ച് കാര്യങ്ങൾ കൂടി ഇവിടെ പറയാം. ബാക്കി കാര്യങ്ങൾ പിന്നീടൊരവസരത്തിൽ പറയുകയോ, അവരവർക്ക് സ്വയം കണ്ടെത്തുകയോ ആവാം. വിഷുവിനോടനുബന്ധിച്ച് വിഷുക്കണി, വിഷുക്കൈനീട്ടം എന്നീ ചടങ്ങുകളെക്കുറിച്ച് നിങ്ങൾ കെട്ടുകാണുമല്ലോ. ഈ ചടങ്ങുകളൊക്കെ എന്താണ് എന്തിനാണെന്ന് ചിന്തിച്ചിട്ടുണ്ടോ? എല്ലായിടത്തും പോലെ ചടങ്ങുകളെല്ലാം പ്രതീകാത്മകങ്ങളാണ്. കണി എന്ന് പറയുന്നത്, നമ്മൾ ഒരു ദിവസം കാണുന്ന ആദ്യത്തെ കാഴ്ചയാണ്. പുതുവർഷാരംഭത്തിന്റെ ശുഭാരംഭത്തിൽ തന്നെ ആദ്യം നമ്മൾ ഒരു നല്ല കാഴ്ച കണ്ടാൽ, ആ വർഷം മുഴുവൻ അതിന്റെ പ്രതിഫലനം നിലനിൽക്കും എന്നതിനെ പ്രതീകാത്മകമായി കൊണ്ടാടുന്ന ചടങ്ങാണ് വിഷുക്കണി. അതുകൊണ്ടാണ് പഞ്ചലോഹപ്പാത്രത്തിൽ നവധാന്യങ്ങളും ഐശ്വര്യജീവിതസംബന്ധിയായ മറ്റ് വസ്തുവകകളും വച്ച്, അവയുടെ കൂട്ടത്തിൽ സ്വന്തം പ്രതിരൂപം ഒരു കണ്ണാടിയിലൂടെ ദർശിച്ച് ഐശ്വര്യജീവിതത്തിന്റെ സന്ദേശം നൽകുവാൻ വിഷുക്കണി എന്ന ചടങ്ങ് നടത്തുന്നത്. ജീവിതത്തിൽ കഷ്ടപ്പെട്ടുണ്ടാക്കുന്ന സമ്പത്തിന്റെ പ്രാധാന്യമറിയാനും, സമ്പത്ത് ഔചിത്യപൂർവ്വം ഉപയോഗിക്കേണ്ടതാണെന്ന് അറിയിക്കാനും, സമ്പത്ത് എന്നത് കൂടെയുള്ളവരും കൂടെ അനുഭവിക്കേണ്ടതാണെന്ന് കാണിക്കാനുമുള്ള ഒരു പ്രതീകാത്മക ചടങ്ങാണ് കൈനീട്ടം. ഇത്തരം പ്രതീകാത്മക ചടങ്ങുകൾ നടക്കുമ്പോഴും, നമുക്ക് ആ പ്രതീകങ്ങളെ ജീവിതത്തിലും പകർത്തി മറ്റുള്ളവർക്ക് മാതൃകയാവാം. എന്തായാലും, ഇന്നത്തെ ഈ ആഘോഷങ്ങളുടെ മായികപ്രപഞ്ചത്തിലേക്ക് നമുക്ക് വീണ്ടും കടന്നു വരാം.
വിഷുവിനെ സംബന്ധിച്ച് 2014 ൽ ചെയ്ത ഒരു ചാക്യാർകൂത്ത് പരിപാടി: വിഷു - ചില അറിവുകൾ
കണിക്കൊന്നയുടെ കാന്തിയും കൈനീട്ടത്തിന്റെ വിശുദ്ധിയും കണികണ്ടുണരുന്നതിന്റെ ഐശ്വര്യവും വിളിച്ചോതിക്കൊണ്ട് ഒരു വിഷുക്കാലം കൂടി വരവായി. പ്രിയമുള്ളവരേ, നിങ്ങൾക്കെല്ലാവർക്കും നായർ സൊസൈറ്റി ഓഫ് ഗ്രേറ്റർ വാഷിംഗ്ടൺ ന്റെ നേതൃത്വത്തിൽ ആഘോഷിക്കുന്ന, കൊല്ലവർഷം ആയിരത്തി ഒരുന്നൂറ്റി തൊണ്ണൂറ്റിനാലിലെ മേടമാസപ്പുലരിയിലെ ഈ വിഷു ആഘോഷത്തിലേക്ക് സുസ്വാഗതം !
കാർഷികവൃത്തിയിലൂന്നിയുള്ള നമ്മുടെ നന്മയുള്ള പാരമ്പര്യവും സംസ്കാരവും ആഘോഷങ്ങളും അന്യമാകുന്ന ഈ ആധുനിക കാലത്ത് പ്രവാസികളായ നമുക്ക് ഈ നന്മയെ കൂടുതൽ അറിയുവാനും മുറുകെപ്പിടിക്കാനും ശ്രമിക്കാം.
നിങ്ങളുടെ അറിവിലേക്കായി, വിഷുവിനെക്കുറിച്ച് ഒരു ആമുഖം പറഞ്ഞുകൊള്ളട്ടെ? എന്താണ് വിഷു? എ ഡി എണ്ണൂറ്റി ഇരുപത്തഞ്ച് വരെ പുതുവത്സര ആഘോഷമായിരുന്നു വിഷു. എന്നാൽ എ ഡി എണ്ണൂറ്റി ഇരുപത്തഞ്ചിൽ, പല കാരണങ്ങൾ കൊണ്ടും, ചിങ്ങമാസം തുടക്കമായിക്കുറിച്ച് കൊണ്ട്, കേരളത്തിലെ കൊല്ലം എന്ന സ്ഥലത്ത് കൂടിയ ഒരു പണ്ഡിത സദസ്സ്, മലയാളത്തിലെ പഞ്ചാംഗം അഥവാ കലണ്ടർ തുടങ്ങിയത് മുതൽ, വിഷു പതുക്കെ പുതുവത്സരാഘോഷമല്ലാതായി. വിഷു എന്നാൽ 'തുല്യം' എന്നാണ് സംസ്കൃതത്തിൽ അർത്ഥം. വിഷു ആഘോഷിക്കുന്ന ദിവസം രാത്രിയും പകലും ഏകദേശം തുല്യമായിരിക്കും. മീനരാശിയിൽ നിന്ന് മേടരാശിയിലേക്ക് സാങ്കല്പികമായ വിഷുവരേഖ കടക്കുന്ന സൂര്യന്റെ പ്രയാണസമയമാണ് വിഷു. ഏകദേശം അതേ സമയത്ത് തന്നെ അശ്വതി നക്ഷത്രത്തിന്റെ ആരംഭവും കുറിക്കുന്നു. ശകവർഷത്തിലെ ചൈത്രമാസത്തിലാണ് വിഷു കൊണ്ടാടപ്പെടുന്നത്. അതുകൊണ്ട് തന്നെ വിഷുവിനെ ചൈത്രവിഷു എന്നും പറയും. ഭാരതീയ സംസ്കാര പ്രകാരം സൂര്യൻ മീനരാശിയിൽ നിന്ന് മേടരാശിയിലേക്ക് കടക്കുന്ന സന്ദർഭമാണ് പുതുവർഷമായി കൊണ്ടാടപ്പെടുന്നത്. അതുകൊണ്ടാണ്, അയൽപക്കമായ തമിഴ്നാട്ടിൽ 'പുത്താണ്ട്' ആയും കർണാടകത്തിലും ആന്ധ്രയിലും 'ഉഗാദി' ആയും മഹാരാഷ്ട്രയിൽ 'ഗുഡി പദ് വാ' ആയും ആസ്സാമിൽ ബിഹു ആയും പഞ്ചാബിൽ ബൈസാഖി ആയും മറ്റും ഭാരതത്തിലങ്ങോളമിങ്ങോളം വിഷു സമയം പുതുവത്സരാഘോഷമായി ഇന്നും ആഘോഷിക്കപ്പെടുന്നത്. സമയം കളയാതെ നമുക്ക് ഇന്നത്തെ ആഘോഷത്തിന്റെ കാര്യപരിപാടികളിലേക്ക് കടക്കാം.
പ്രിയമുള്ളവരേ, വിഷുവിനെക്കുറിച്ച് നിങ്ങൾ കേട്ടിരിക്കാനിടയില്ലാത്ത കുറച്ച് കാര്യങ്ങൾ കൂടി പറഞ്ഞുകൊള്ളട്ടെ. ശ്രദ്ധിച്ച് കേൾക്കുമല്ലോ.... വിഷു എങ്ങനെയാണ് കാർഷികാഘോഷമായി കൊണ്ടാടപ്പെടുന്നത്? നമ്മുടെ ഇന്നത്തെ കാലാവസ്ഥാപ്രവചനസംവിധാനങ്ങൾ വരുന്നതിന് മുന്നേ ഞാറ്റുവേലകളെ അടിസ്ഥാനമാക്കിയുള്ള കൃഷി രീതികളായിരുന്നു ഭാരതീയർ പിന്തുടർന്നിരുന്നത്. എന്താണ് ഞാറ്റുവേല? എന്താണ് വിഷുവും ഞാറ്റുവേലയും തമ്മിലുള്ള ബന്ധം? 'ഞായറിന്റെ വേള' ആണ് മലയാളത്തിൽ ഞാറ്റുവേല ആയത്. ഞായർ എന്നത് ഞായറാഴ്ച അല്ലെന്ന് പ്രത്യേകം ശ്രദ്ധിക്കുക. ഞായർ എന്നത് സൂര്യന്റെ പര്യായമാണ്. സൂര്യന്റെ ഒരു വർഷത്തെ വിവിധ വേളകളെ ഏകദേശം പതിമൂന്നര ദിവസങ്ങളെടുക്കുന്ന 27 ഞാറ്റുവേലകളായി തരം തിരിച്ചിരിക്കുന്നു. ഈ ഞാറ്റുവേലകളിലെ ആദ്യത്തെ ഞാറ്റുവേലയായ അശ്വതി ഞാറ്റുവേല തുടങ്ങുന്നത് വിഷുവിന്റെ ദിവസമാണ്. അതായത് മേടം ഒന്നിന്. കേരളത്തിൽ പൊതുവെ മഴകൾ കുറഞ്ഞ്, ഭൂമി വരണ്ട് കിടക്കുന്ന സമയമാണ് കുംഭം, മീനം മേടം,ഇടവം രാശികൾ. ഇടവരാശിയുടെ അന്ത്യത്തിൽ ഇടവപ്പാതിയെന്ന മഴ ലഭിക്കുന്ന സമയമാണ്. എന്നുവച്ചാൽ രോഹിണി ഞാറ്റുവേല മുതൽ മഴ ലഭിക്കുമെന്നാണ് പണ്ട് കാലത്തെ കണക്ക്. ഈ സമയമാകുമ്പോഴേക്കും ഭൂമിയെ കൃഷിക്ക് പാകമാക്കി വെക്കാനുള്ള പ്രവർത്തികൾ ആരംഭിക്കുന്ന സമയമായാണ് അശ്വതി ഞാറ്റുവേലയെ കേരളീയർ കണ്ടിരുന്നത്. പ്രാദേശിക കാലാവസ്ഥക്കനുസരിച്ചും ഭൂമി ശാസ്ത്രത്തിനനുസരിച്ചും ഞാറ്റുവേലകൾക്കനുബന്ധമായ പ്രവർത്തികൾ വ്യത്യാസപ്പെട്ട് കിടക്കും. അതുകൊണ്ട്, മേടം ഒന്നിന് ഒരു വർഷത്തെ കാർഷികവൃത്തികൾ ആരംഭിക്കുന്ന അശ്വതി ഞാറ്റുവേലയുടെ തുടക്കമായതിനാലാണ് വിഷു ഒരു കാർഷികാഘോഷമായി കേരളീയർക്ക് മാറിയത്. ഇനി നമുക്ക് വീണ്ടും ആഘോഷപരിപാടികളിലേക്ക് തിരിച്ച് വരാം.
പ്രിയമുള്ളവരേ, ഈ ആഘോഷങ്ങളൊക്കെ കഴിഞ്ഞ്, ഇന്ന് നിങ്ങൾ വീട്ടിലേക്ക് തിരിച്ച് പോകുന്നതിന് മുൻപ് വിഷുവിനെക്കുറിച്ച് ഇനിയും കൂടുതൽ മനസ്സിലാക്കണമെന്ന് ആഗ്രഹിക്കുന്നില്ലേ? കുറച്ച് കാര്യങ്ങൾ കൂടി ഇവിടെ പറയാം. ബാക്കി കാര്യങ്ങൾ പിന്നീടൊരവസരത്തിൽ പറയുകയോ, അവരവർക്ക് സ്വയം കണ്ടെത്തുകയോ ആവാം. വിഷുവിനോടനുബന്ധിച്ച് വിഷുക്കണി, വിഷുക്കൈനീട്ടം എന്നീ ചടങ്ങുകളെക്കുറിച്ച് നിങ്ങൾ കെട്ടുകാണുമല്ലോ. ഈ ചടങ്ങുകളൊക്കെ എന്താണ് എന്തിനാണെന്ന് ചിന്തിച്ചിട്ടുണ്ടോ? എല്ലായിടത്തും പോലെ ചടങ്ങുകളെല്ലാം പ്രതീകാത്മകങ്ങളാണ്. കണി എന്ന് പറയുന്നത്, നമ്മൾ ഒരു ദിവസം കാണുന്ന ആദ്യത്തെ കാഴ്ചയാണ്. പുതുവർഷാരംഭത്തിന്റെ ശുഭാരംഭത്തിൽ തന്നെ ആദ്യം നമ്മൾ ഒരു നല്ല കാഴ്ച കണ്ടാൽ, ആ വർഷം മുഴുവൻ അതിന്റെ പ്രതിഫലനം നിലനിൽക്കും എന്നതിനെ പ്രതീകാത്മകമായി കൊണ്ടാടുന്ന ചടങ്ങാണ് വിഷുക്കണി. അതുകൊണ്ടാണ് പഞ്ചലോഹപ്പാത്രത്തിൽ നവധാന്യങ്ങളും ഐശ്വര്യജീവിതസംബന്ധിയായ മറ്റ് വസ്തുവകകളും വച്ച്, അവയുടെ കൂട്ടത്തിൽ സ്വന്തം പ്രതിരൂപം ഒരു കണ്ണാടിയിലൂടെ ദർശിച്ച് ഐശ്വര്യജീവിതത്തിന്റെ സന്ദേശം നൽകുവാൻ വിഷുക്കണി എന്ന ചടങ്ങ് നടത്തുന്നത്. ജീവിതത്തിൽ കഷ്ടപ്പെട്ടുണ്ടാക്കുന്ന സമ്പത്തിന്റെ പ്രാധാന്യമറിയാനും, സമ്പത്ത് ഔചിത്യപൂർവ്വം ഉപയോഗിക്കേണ്ടതാണെന്ന് അറിയിക്കാനും, സമ്പത്ത് എന്നത് കൂടെയുള്ളവരും കൂടെ അനുഭവിക്കേണ്ടതാണെന്ന് കാണിക്കാനുമുള്ള ഒരു പ്രതീകാത്മക ചടങ്ങാണ് കൈനീട്ടം. ഇത്തരം പ്രതീകാത്മക ചടങ്ങുകൾ നടക്കുമ്പോഴും, നമുക്ക് ആ പ്രതീകങ്ങളെ ജീവിതത്തിലും പകർത്തി മറ്റുള്ളവർക്ക് മാതൃകയാവാം. എന്തായാലും, ഇന്നത്തെ ഈ ആഘോഷങ്ങളുടെ മായികപ്രപഞ്ചത്തിലേക്ക് നമുക്ക് വീണ്ടും കടന്നു വരാം.
***
